{"descriptions":{"text":"

Biskup Íslands auglýsir eftir umsóknum um starf söngmálastjóra þjóðkirkjunnar.

Söngmálastjóri er skipaður af biskupi Íslands til að framfylgja tónlistarstefnu þjóðkirkjunnar. Hann starfar á grundvelli starfsreglna um kirkjutónlist og vinnur náið með kirkjutónlistarráði og biskupi að mótun framtíðarsýnar í kirkjutónlist og starfsemi Tónskóla þjóðkirkjunnar.

Samkvæmt starfsreglum felst framkvæmd og umsjón tónlistarstefnu þjóðkirkjunnar einkum í að:

● veita organistum, prestum, kórstjórum, kirkjukórum og barnakórum ráðgjöf, fræðslu og stuðning,

● mennta organista og annað tónlistarfólk til starfa innan kirkjunnar,

● bjóða upp á símenntun í kirkjutónlist, sálmafræði og lítúrgískum fræðum.

Þjóðkirkjan rekur Tónskóla þjóðkirkjunnar undir stjórn söngmálastjóra. Þar starfa auk hans ritari, deildarstjórar við framhalds- og endurmenntunardeildir, ásamt kennurum sem sinna daglegri kennslu og starfa í nánu samstarfi við söngmálastjóra. Nánari upplýsingar um starf Tónskólans má finna á heimasíðu skólans, tonskoli.is.

Menntunar- og hæfniskröfur:

● Háskólamenntun á sviði tónlistar og reynsla sem nýtist í starfi.

● Menntun á sviði kirkjutónlistar er kostur.

● Þekking, reynsla og áhugi á kirkjulegu tónlistarstarfi og helgihaldi kirkjunnar.

● Haldbær reynsla af stjórnun og stefnumótun.

● Góð samstarfs- og samskiptahæfni.

● Góð almenn tölvukunnátta.

● Skipulögð vinnubrögð og geta til að vinna sjálfstætt.

● Færni til að tjá sig í ræðu og riti á íslensku, ensku og helst einu Norðurlandamáli.

Helstu verkefni og ábyrgð söngmálastjóra eru:

*Ábyrgð á stjórnun, daglegum rekstri og fjármálum Tónskólans.

*Ráðning starfsfólks við Tónskóla þjóðkirkjunnar og samstarf við guðfræðideild um kennslu og starfsþjálfun.

*Ráðgjafi biskups í kirkjutónlistarmálum og náið samstarf við kirkjutónlistarráð.

*Skipulagning hátíða og viðburða á sviði kirkjutónlistar, t.d. kirkjukóramót, Dagur kirkjutónlistarinnar og ráðstefnur.

*Umsjón sjóða á sviði kirkjutónlistar og samskipti við erlend kirkjutónlistar- og kórasamtök.

Eftirfarandi gögn skulu fylgja umsókn:

● Ferilskrá þar sem fram kemur menntun og fyrri störf.

● Staðfest afrit af prófskírteinum.

● Nöfn og símanúmer tveggja umsagnaraðila.

● Annað sem umsækjandi telur nauðsynlegt að komi fram.

Starfshlutfall er 60%

Ráðið er í starfið frá 1. janúar 2026

Sækja skal um starfið á umsóknarvef kirkjunnar, hér.

Umsóknarfrestur er til 1. nóvember.

Frekari upplýsingar um starfið veitir Ragnhildur Ásgeirsdóttir, skrifstofu- og mannauðsstjóra biskupsstofu, ragnhilduras@kirkjan.is eða í síma 5284000.

Biskup Íslands áskilur sér rétt til að hafna öllum umsóknum.

"},"descriptions_en":{"text":""},"responsibilities":[],"responsibilities_en":[],"requirements":[],"requirements_en":[],"benefits":[],"benefits_en":[],"descriptionsEnd":{"text":""},"descriptionsEnd_en":{"text":""}}